नेपाली पत्रकारहरूकाे राष्ट्रिय छाता संगठन हाे, नेपाल पत्रकार महासंघ । २०५२ सालदेखि महासंघकाे सदस्य छु । एक पल्ट पार्षद पनि बनें । काठमाडाैं शाखाकाे निर्वाचित सदस्य पनि बनें ।

काठमाडाैं शाखाकाे कार्यसमितिमा निर्वाचित भएकाे केही समयपछि नै सङ्गीन अवस्था झेल्नु पर्याे । तत्कालीन राजा ज्ञानेन्द्रबाट निर्वाचित सरकारलाई अपदस्त गरी प्रत्यक्ष शासन गरेकाे समय थियाे । पूरै देशमा राजनीतिक ध्रूवीकरणा आएकाे थियाे । पत्रकारिता जगत मात्र अछुताे रहने कुरा भएन । काठमाडाैं शाखा कार्यसमितिका गतिविधिहरूमा पनि यही समस्या देखा पर्याे । बैठककाे माइन्यूट बुकमा ‘नाेटअफ डिसेन्ट’ लेख्नु पर्ने अवस्था पनि आयाे, लेखियाे पनि ।

कार्य समितिमा पदाधिकारीबीचकाे विवाद बढ्दै गएपछि त्याे विवाद बाहिर सडकसम्म पुग्याे । बाहिर एउटा हाेटेलमा गर्न लागेकाे कार्यक्रममा कालाे भण्डा देखाएर बिराेध गर्नुका साथै बाधा पुर्याएर स्थगत समेत गरायाैं । साेही दिन भृकुटी मण्डपस्थित कार्यालयमा तालाबन्दी गर्याैं । यही विवादका बीच महासंघकाे केन्द्रीय नेतृत्वबाट शाखाकाे अध्यक्षमाथि कारवाहीस्वरूप निलम्बन गर्याे । उपाध्यक्षलाइ का.वा. अध्यक्ष बनाइ संस्थालाइ निरन्तरता दिँदै गर्याैं ।

सत्ता राजनीतिकाे कालाे छायाँ हर क्षेत्रमा पार्न खाेजिन्थ्याे र त्यसकाे प्रतिकार कसरी हुन्छ भन्ने कुरामा धेरैकाे ध्यान जान्थ्याे । काठमाडाैं शाखाकाे हरेक कृयाकलापलाई पत्रकारिता क्षेत्रबाहेक अरू क्षेत्रले पनि चासाे दिन्थ्याे । आजभाेलि म पत्रकार महासंघमा सकृय छैन तर साधारण सदस्यका नाताले भाेट खसाल्न भने जान्छु ।

Leave a Reply

Your email address will not be published. Required fields are marked *