Category: Tourism / पर्यटन

विभिन्न ठाउँमा पुग्नु, त्यहाँका बारेमा जानकारी लिनु र त्यसमाथि चिन्तन मनन गरेर ज्ञान हासिल गर्नु तथा लेख्नु अाफ्नाे काम नै हाे । अध्ययनअनुसन्धान तथा लेखनका लागि विभिन्न ठाउँकाे भ्रमण प्रायः अनिवार्य नै छ। याे काम मलाइ असाध्यै मन पर्छ पनि । यही भएर यात्रा तथा पर्यटन बराेबर गरिरहेकाे हुन्छु । भ्रमण मेराे व्यक्तिगत शाेख पनि भएका कारण यी कुराहरू एकअापसमा परिपूरक भइरहेका छन् । यस क्रममा मैलै विभिन्न ठाउँकाे यात्रा पटक पटक गरेकाे छु र त्यसलाइ अाफ्नाे अध्ययनअनुसन्धान तथा लेखनमा पर्याप्त मात्रामा उपयाेग गरेकाे छु ।

पर्यटनलाइ म मनाेरञ्जनका रूपमा सीमित दृष्टिकाेणले मात्रै हेर्दिनँ । यसरी नै पर्यटन क्षेत्रलाइ म अार्थिक उपार्जन गर्ने सपाट उद्याेगका रूपमा मात्रै हेर्दिन । अार्थिक विकासमा यसकाे महत्वपूर्ण भूमिका रहेकाे र विकासका लागि यसकाे विकास गर्नु पर्ने कुरा सही हाे तर यसले थप अन्य अर्थ पनि बाेक्छ । पर्यटन ज्ञान विज्ञानकाे एउटा उर्वर क्षेत्र पनि हाे । एेतिहासिक, सांस्कृतिक, पुरातात्विक, सामाजिक तथा प्राकृतिक अनेक सम्पदाकाे अाकर्षण बिना पर्यटन क्षेत्र अगाडि बढ्न सक्दैन । यसले समाज तथा देशकाे पहिचानकाे प्रचार प्रसारमा पनि मनग्य याेगदान दिइरहेकाे हुन्छ । पर्यटन उद्याेगकाे अभावमा पनि यी क्षेत्रकाे संरक्षण तथा सम्वर्धनमा राज्य तथा अन्य क्षेत्रले ध्यान पुर्याउनु पदर्छ । पर्यटन क्षेत्रका लागि यी सम्पदाहरूले जसरी महत्वपूर्ण भू्मिका निर्वाह गरिरहेकाे छ, त्यही रूपमा यी पक्षहरूका लागि पर्यटन उद्याेगले अार्थिक भार बहन गर्नुमा अन्यथा लिनु हुँदैन ।

म व्यक्तिगत तथा सामुहिक रूपमा यात्रा गरिरहने तथा पर्यटनमा रमाउने मान्छे त हाे नै, साथसाथै नयाँ पर्यटकीय क्षेत्रकाे खाेजी गर्ने तथा त्यसकाे विकासका लागि अध्ययन अनुसन्धान पनि गर्दछु । यस क्रममा ती क्षेत्रहरूकाे लेखन पनि गर्दछु । पर्यटकीय गन्तव्य र यस उद्याेगका सम्बन्धमा मात्रै हाेइन, म अाफ्नाे यात्राका सम्बन्धमा नियात्रा लेख्ने नियात्रा लेखक पनि हुँ । अहिलेसम्म १०० भन्दा बढी नियात्राहरू विभिन्न पत्रपत्रिकाहरूमा प्रकाशित भइसकेका छन् । म नियात्रा लेखनकाे कार्यशाला पनि चलाउँछु । नेपालभाषा वाङ्मयमा नियात्रा लेखन विधामा याेगदान पुर्याएबापत धर्मादित्य धर्माचार्य पुरस्कार प्राप्त गरिसकेकाे छु ।

मैले नेपालका ५० भन्दा बढी जिल्लाहरू हिडेरै घुमेकाे छु । जहाँ पनि गएकाे छु, प्रायःकाे अभिलेखन गरेकाे छु । यस क्रममा ठुला साना गरी थुप्रै लेखहरू लेखेर प्रकाशित गरेकाे छु वा अन्य लेख तथा पुस्तकहरूमा पनि मेरा ती भ्रमणहरूकाे प्रभाव परेकाे छ । अबका दिनमा पहिले पुगिसकेका र नयाँ ठाउँहरूमा पनि व्यापक रूपमा भ्रमणा गर्ने याेजना बनाएकाे छु। यसरी भ्रमणा गर्दा मेराे ध्यान प्राकृतिक साैन्दर्यमा मात्रै नभएर त्यहाँकाे सामाजिक, सांस्कृतिक, एेतिहासिक पक्षमा पनि ध्यान दिएकाे हुन्छु । जे छ त्यसलाइ हेर्ने मात्रै नभएर अाफ्नाे विषयविज्ञताअनुसार अध्ययन पनि गर्ने भएका कारण कतिपय कुराकाे खाेजी तथा डिस्कभरी पनि भइरहेकाे हुन्छ । र, ती जम्मै कुरालाइ म लेखनमार्फत सार्वजनिकरण गरिरहेकाे हुन्छु ।